మహాయోగపీఠే తటే భీమరథ్యా వరం పుండరీకాయ దాతుం మునీంద్రైః,సమాగత్య తిష్ఠంత మానందకందం పరబ్రహ్మలింగం భజే పాండురంగమ్‌। 1
Mahaayogapeethe tate bheemarathyaa varam pundareekaaya daatum muneendraih,Samaagatya tishthanta maanandakandam parabrahmalingam bhaje paandurangam। 1
महायोगपीठे तटे भीमरथ्या वरं पुंडरीकाय दातुं मुनींद्रैः,समागत्य तिष्ठंत मानंदकंदं परब्रह्मलिंगं भजे पांडुरंगम्। 1
తటిద్వాసనం నీలమేఘావభాసం రమామందిరం సుందరం చిత్ప్రకాశమ్‌,పరం త్విష్టకాయాం సమన్యస్తపాదం పరబ్రహ్మలింగం భజే పాండురంగమ్‌। 2
Tatidvaasanam neelameghaavabhaasam ramaamandiram sundaram chitprakaasham,Param tvishtakaayaam samanyastapaadam parabrahmalingam bhaje paandurangam। 2
तटिद्वासनं नीलमेघावभासं रमामंदिरं सुंदरं चित्प्रकाशम्,परं त्विष्टकायां समन्यस्तपादं परब्रह्मलिंगं भजे पांडुरंगम्। 2
ప్రమాణం భవాబ్ధేరిదం మామకానాం నితంబః కరాభ్యాంధృతో యేన తస్మాత్‌,విధాతుర్వసత్యై ధృతో నాభికోశః, పరబ్రహ్మలింగం భజే పాండురంగమ్‌। 3
Pramaanam bhavaabdheridam maamakaanaam nitambah karaabhyaandhrito yena tasmaat,Vidhaaturvasatyai dhrito naabhikoshah, parabrahmalingam bhaje paandurangam। 3
प्रमाणं भवाब्धेरिदं मामकानां नितंबः कराभ्यांधृतो येन तस्मात्,विधातुर्वसत्यै धृतो नाभिकोशः, परब्रह्मलिंगं भजे पांडुरंगम्। 3
స్ఫురత్కౌస్తుభాలంకృతం కంఠదేశే, శ్రియా జుష్టకేయూరకం శ్రీనివాసమ్‌,శివం శాంతమీడ్యం వరం లోకపాలం, పరబ్రహ్మలింగం భజే పాండురంగమ్‌। 4
Sphuratkaustubhaalankritam kanthadeshe, shriyaa jushtakeyoorakam shreenivaasam,Shivam shaantameedyam varam lokapaalam, parabrahmalingam bhaje paandurangam। 4
स्फुरत्कौस्तुभालंकृतं कंठदेशे, श्रिया जुष्टकेयूरकं श्रीनिवासम्,शिवं शांतमीड्यं वरं लोकपालं, परब्रह्मलिंगं भजे पांडुरंगम्। 4
శరచ్చంద్రబింబాననం చారుహాసం, లసత్కుండలాక్రాంత గండస్ధలాంగమ్‌,జపారాగబింబాధరం కంజనేత్రం పరబ్రహ్మలింగం భజే పాండురంగమ్‌। 5
Sharachchandrabimbaananam chaaruhaasam, lasatkundalaakraanta gandasdhalaangam,Japaaraagabimbaadharam kanjanetram parabrahmalingam bhaje paandurangam। 5
शरच्चंद्रबिंबाननं चारुहासं, लसत्कुंडलाक्रांत गंडस्धलांगम्,जपारागबिंबाधरं कंजनेत्रं परब्रह्मलिंगं भजे पांडुरंगम्। 5
కిరీటోజ్జ్వలత్సర్వదిక్ప్రాంత భాగం, సురైరర్చితం దివ్యరత్నైరనర్ఘైః,త్రిభంగాకృతిం బర్హమాల్యావతంసం, పరబ్రహ్మలింగం భజే పాండురంగమ్‌। 6
Kireetojjvalatsarvadikpraanta bhaagam, surairarchitam divyaratnairanarghaih,Tribhangaakritim barhamaalyaavatamsam, parabrahmalingam bhaje paandurangam। 6
किरीटोज्ज्वलत्सर्वदिक्प्रांत भागं, सुरैरर्चितं दिव्यरत्नैरनर्घैः,त्रिभंगाकृतिं बर्हमाल्यावतंसं, परब्रह्मलिंगं भजे पांडुरंगम्। 6
విభుం వేణునాదం చరంతం దురంతం, స్వయం లీలయాగోపవేషం దధానమ్‌,గవాం బృందకానందదం చారుహాసం పరబ్రహ్మలింగం భజే పాండురంగమ్‌। 7
Vibhum venunaadam charantam durantam, svayam leelayaagopavesham dadhaanam,Gavaam brindakaanandadam chaaruhaasam parabrahmalingam bhaje paandurangam। 7
विभुं वेणुनादं चरंतं दुरंतं, स्वयं लीलयागोपवेषं दधानम्,गवां बृंदकानंददं चारुहासं परब्रह्मलिंगं भजे पांडुरंगम्। 7
అజం రుక్మిణీప్రాణసంజీవనం తం, పరం ధామ కైవల్యమేకం తురీయమ్‌,ప్రసన్నం ప్రసన్నార్తిహం దేవదేవం పరబ్రహ్మలింగం భజే పాండురంగమ్‌। 8
Ajam rukmineepraanasanjeevanam tam, param dhaama kaivalyamekam tureeyam,Prasannam prasannaartiham devadevam parabrahmalingam bhaje paandurangam। 8
अजं रुक्मिणीप्राणसंजीवनं तं, परं धाम कैवल्यमेकं तुरीयम्,प्रसन्नं प्रसन्नार्तिहं देवदेवं परब्रह्मलिंगं भजे पांडुरंगम्। 8
స్తవం పాండురంగస్య వై పుణ్యదం యే, పఠంత్యేకచిత్తేన భక్త్యా చ నిత్యమ్‌,భవాంభోనిధిం తేపి తీర్త్వాంతకాలే హరేరాలయం శాశ్వతం ప్రాప్నువంతి। 9
Stavam paandurangasya vai punyadam ye, pathantyekachittena bhaktyaa cha nityam,Bhavaambhonidhim tepi teertvaantakaale hareraalayam shaashvatam praapnuvanti। 9
स्तवं पांडुरंगस्य वै पुण्यदं ये, पठंत्येकचित्तेन भक्त्या च नित्यम्,भवांभोनिधिं तेपि तीर्त्वांतकाले हरेरालयं शाश्वतं प्राप्नुवंति। 9
ఇతి శ్రీపాండురంగాష్టకం
Iti shreepaandurangaashtakam
इति श्रीपांडुरंगाष्टकं
Editions differ in some words, and online copies can contain typing errors. If your family's book or your guru reads differently, please follow them.
Text from Telugu Wikisource, available under CC BY-SA 4.0. The other scripts were converted from it automatically.