Ganapati Atharvashirsha · గణపతి అథర్వశీర్షం

॥ శ్రీ గణపత్యథర్వశీర్ష ॥

॥ Shree ganapatyatharvasheersha ॥

॥ श्री गणपत्यथर्वशीर्ष ॥

॥ శాంతి పాఠ ॥

॥ Shaanti paatha ॥

॥ शान्ति पाठ ॥

ఓం భద్రం కర్ణేభిః శృణుయామ దేవాః ।భద్రం పశ్యేమాక్షభిర్యజత్రాః ॥

Om bhadram karnebhih shrinuyaama devaah ।Bhadram pashyemaakshabhiryajatraah ॥

ॐ भद्रं कर्णेभिः शृणुयाम देवाः ।भद्रं पश्येमाक्षभिर्यजत्राः ॥

స్థిరైరంగైస్తుష్టువాంసస్తనూభిః ।వ్యశేమ దేవహితం యదాయుః ॥

Sthirairangaistushtuvaamsastanoobhih ।Vyashema devahitam yadaayuh ॥

स्थिरैरङ्गैस्तुष्टुवांसस्तनूभिः ।व्यशेम देवहितं यदायुः ॥

ఓం స్వస్తి న ఇంద్రో వృద్ధశ్రవాః ।స్వస్తి నః పూషా విశ్వవేదాః ॥

Om svasti na indro vriddhashravaah ।Svasti nah pooshaa vishvavedaah ॥

ॐ स्वस्ति न इन्द्रो वृद्धश्रवाः ।स्वस्ति नः पूषा विश्ववेदाः ॥

స్వస్తినస్తార్క్ష్యో అరిష్టనేమిః ।స్వస్తి నో బృహస్పతిర్దధాతు ॥

Svastinastaarkshyo arishtanemih ।Svasti no brihaspatirdadhaatu ॥

स्वस्तिनस्तार्क्ष्यो अरिष्टनेमिः ।स्वस्ति नो बृहस्पतिर्दधातु ॥

ఓం తన్మామవతు తద్ వక్తారమవతు అవతు మామ్ అవతు వక్తారమ్ ।ఓం శాంతిః శాంతిః శాంతిః ॥

Om tanmaamavatu tad vaktaaramavatu avatu maam avatu vaktaaram ।Om shaantih shaantih shaantih ॥

ॐ तन्मामवतु तद् वक्तारमवतु अवतु माम् अवतु वक्तारम् ।ॐ शान्तिः शान्तिः शान्तिः ॥

॥ ఉపనిషత్ ॥

॥ Upanishat ॥

॥ उपनिषत् ॥

హరిః ఓం నమస్తే గణపతయే ।త్వమేవ ప్రత్యక్షం తత్త్వమసి ॥

Harih om namaste ganapataye ।Tvameva pratyaksham tattvamasi ॥

हरिः ॐ नमस्ते गणपतये ।त्वमेव प्रत्यक्षं तत्त्वमसि ॥

త్వమేవ కేవలం కర్తాఽసి ।త్వమేవ కేవలం ధర్తాఽసి ॥

Tvameva kevalam kartaa'si ।Tvameva kevalam dhartaa'si ॥

त्वमेव केवलं कर्ताऽसि ।त्वमेव केवलं धर्ताऽसि ॥

త్వమేవ కేవలం హర్తాఽసి ।త్వమేవ సర్వం ఖల్విదం బ్రహ్మాసి ॥

Tvameva kevalam hartaa'si ।Tvameva sarvam khalvidam brahmaasi ॥

त्वमेव केवलं हर्ताऽसि ।त्वमेव सर्वं खल्विदं ब्रह्मासि ॥

త్వం సాక్షాదాత్మాఽసి నిత్యమ్ ॥ 1 ॥

Tvam saakshaadaatmaa'si nityam ॥ 1 ॥

त्वं साक्षादात्माऽसि नित्यम् ॥ १ ॥

॥ స్వరూప తత్త్వ ॥

॥ Svaroopa tattva ॥

॥ स्वरूप तत्त्व ॥

ఋతం వచ్మి (వదిష్యామి) ॥

Ritam vachmi (vadishyaami) ॥

ऋतं वच्मि (वदिष्यामि) ॥

సత్యం వచ్మి (వదిష్యామి) ॥ 2 ॥

Satyam vachmi (vadishyaami) ॥ 2 ॥

सत्यं वच्मि (वदिष्यामि) ॥ २ ॥

అవ త్వం మామ్ ।అవ వక్తారమ్ ॥

Ava tvam maam ।Ava vaktaaram ॥

अव त्वं माम् ।अव वक्तारम् ॥

అవ శ్రోతారమ్ ।అవ దాతారమ్ ॥

Ava shrotaaram ।Ava daataaram ॥

अव श्रोतारम् ।अव दातारम् ॥

అవ ధాతారమ్ ।అవానూచానమవ శిష్యమ్ ॥

Ava dhaataaram ।Avaanoochaanamava shishyam ॥

अव धातारम् ।अवानूचानमव शिष्यम् ॥

అవ పశ్చాత్తాత్ ।అవ పురస్తాత్ ॥

Ava pashchaattaat ।Ava purastaat ॥

अव पश्चात्तात् ।अव पुरस्तात् ॥

అవోత్తరాత్తాత్ ।అవ దక్షిణాత్తాత్ ॥

Avottaraattaat ।Ava dakshinaattaat ॥

अवोत्तरात्तात् ।अव दक्षिणात्तात् ॥

అవ చోర్ధ్వాత్తాత్ ।అవాధరాత్తాత్ ॥

Ava chordhvaattaat ।Avaadharaattaat ॥

अव चोर्ध्वात्तात् ।अवाधरात्तात् ॥

సర్వతో మాం పాహి పాహి సమంతాత్ ॥ 3 ॥

Sarvato maam paahi paahi samantaat ॥ 3 ॥

सर्वतो मां पाहि पाहि समन्तात् ॥ ३ ॥

త్వం వాంగ్మయస్త్వం చిన్మయః ।త్వమానందమయస్త్వం బ్రహ్మమయః ॥

Tvam vaangmayastvam chinmayah ।Tvamaanandamayastvam brahmamayah ॥

त्वं वाङ्ग्मयस्त्वं चिन्मयः ।त्वमानन्दमयस्त्वं ब्रह्ममयः ॥

త్వం సచ్చిదానందాద్వితీయోఽసి ।త్వం ప్రత్యక్షం బ్రహ్మాసి ॥

Tvam sachchidaanandaadviteeyo'si ।Tvam pratyaksham brahmaasi ॥

त्वं सच्चिदानन्दाद्वितीयोऽसि ।त्वं प्रत्यक्षं ब्रह्मासि ॥

త్వం జ్ఞానమయో విజ్ఞానమయోఽసి ॥ 4 ॥

Tvam jnyaanamayo vijnyaanamayo'si ॥ 4 ॥

त्वं ज्ञानमयो विज्ञानमयोऽसि ॥ ४ ॥

సర్వం జగదిదం త్వత్తో జాయతే ।సర్వం జగదిదం త్వత్తస్తిష్ఠతి ॥

Sarvam jagadidam tvatto jaayate ।Sarvam jagadidam tvattastishthati ॥

सर्वं जगदिदं त्वत्तो जायते ।सर्वं जगदिदं त्वत्तस्तिष्ठति ॥

సర్వం జగదిదం త్వయి లయమేష్యతి ।సర్వం జగదిదం త్వయి ప్రత్యేతి ॥

Sarvam jagadidam tvayi layameshyati ।Sarvam jagadidam tvayi pratyeti ॥

सर्वं जगदिदं त्वयि लयमेष्यति ।सर्वं जगदिदं त्वयि प्रत्येति ॥

త్వం భూమిరాపోఽనలోఽనిలో నభః ॥

Tvam bhoomiraapo'nalo'nilo nabhah ॥

त्वं भूमिरापोऽनलोऽनिलो नभः ॥

త్వం చత్వారి వాక్పదాని ॥ 5 ॥

Tvam chatvaari vaakpadaani ॥ 5 ॥

त्वं चत्वारि वाक्पदानि ॥ ५ ॥

త్వం గుణత్రయాతీతః । త్వమవస్థాత్రయాతీతః ।త్వం దేహత్రయాతీతః ॥

Tvam gunatrayaateetah । tvamavasthaatrayaateetah ।Tvam dehatrayaateetah ॥

त्वं गुणत्रयातीतः । त्वमवस्थात्रयातीतः ।त्वं देहत्रयातीतः ॥

త్వం కాలత్రయాతీతః ।త్వం మూలాధారః స్థిథోఽసి నిత్యమ్ ॥

Tvam kaalatrayaateetah ।Tvam moolaadhaarah sthitho'si nityam ॥

त्वं कालत्रयातीतः ।त्वं मूलाधारः स्थिथोऽसि नित्यम् ॥

త్వం శక్తిత్రయాత్మకః ।త్వాం యోగినో ధ్యాయంతి నిత్యమ్ ॥

Tvam shaktitrayaatmakah ।Tvaam yogino dhyaayanti nityam ॥

त्वं शक्तित्रयात्मकः ।त्वां योगिनो ध्यायन्ति नित्यम् ॥

త్వం బ్రహ్మా త్వం విష్ణుస్త్వం రుద్రస్త్వమింద్రస్త్వమగ్నిస్త్వం వాయుస్త్వం సూర్యస్త్వం చంద్రమాస్త్వం బ్రహ్మభూర్భువఃస్వరోమ్ ॥ 6 ॥

Tvam brahmaa tvam vishnustvam rudrastvamindrastvamagnistvam vaayustvam sooryastvam chandramaastvam brahmabhoorbhuvahsvarom ॥ 6 ॥

त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्मभूर्भुवःस्वरोम् ॥ ६ ॥

॥ గణేశ మంత్ర ॥

॥ Ganesha mantra ॥

॥ गणेश मन्त्र ॥

గణాదిం పూర్వముచ్చార్య వర్ణాదీంస్తదనంతరమ్ ।అనుస్వారః పరతరః ॥

Ganaadim poorvamuchchaarya varnaadeemstadanantaram ।Anusvaarah paratarah ॥

गणादिं पूर्वमुच्चार्य वर्णादींस्तदनन्तरम् ।अनुस्वारः परतरः ॥

అర్ధేందులసితమ్ ।తారేణ ఋద్ధమ్ ॥

Ardhendulasitam ।Taarena riddham ॥

अर्धेन्दुलसितम् ।तारेण ऋद्धम् ॥

ఏతత్తవ మనుస్వరూపమ్ ।గకారః పూర్వరూపమ్ ॥

Etattava manusvaroopam ।Gakaarah poorvaroopam ॥

एतत्तव मनुस्वरूपम् ।गकारः पूर्वरूपम् ॥

అకారో మధ్యమరూపమ్ ।అనుస్వారశ్చాంత్యరూపమ్ ॥

Akaaro madhyamaroopam ।Anusvaarashchaantyaroopam ॥

अकारो मध्यमरूपम् ।अनुस्वारश्चान्त्यरूपम् ॥

బిందురుత్తరరూపమ్ ।నాదః సంధానమ్ ॥

Binduruttararoopam ।Naadah sandhaanam ॥

बिन्दुरुत्तररूपम् ।नादः सन्धानम् ॥

సంహితాసంధిః ।సైషా గణేశవిద్యా ॥

Samhitaasandhih ।Saishaa ganeshavidyaa ॥

संहितासन्धिः ।सैषा गणेशविद्या ॥

గణక ఋషిః ।నిచృద్గాయత్రీచ్ఛందః ॥

Ganaka rishih ।Nichridgaayatreechchhandah ॥

गणक ऋषिः ।निचृद्गायत्रीच्छन्दः ॥

గణపతిర్దేవతా ॥

Ganapatirdevataa ॥

गणपतिर्देवता ॥

ఓం గం గణపతయే నమః ॥ 7 ॥

Om gam ganapataye namah ॥ 7 ॥

ॐ गं गणपतये नमः ॥ ७ ॥

॥ గణేశ గాయాత్రీ ॥

॥ Ganesha gaayaatree ॥

॥ गणेश गायात्री ॥

ఏకదంతాయ విద్మహే వక్రతుండాయ ధీమహి ।తన్నో దంతిః ప్రచోదయాత్ ॥ 8 ॥

Ekadantaaya vidmahe vakratundaaya dheemahi ।Tanno dantih prachodayaat ॥ 8 ॥

एकदन्ताय विद्महे वक्रतुण्डाय धीमहि ।तन्नो दन्तिः प्रचोदयात् ॥ ८ ॥

॥ గణేశ రూప ॥

॥ Ganesha roopa ॥

॥ गणेश रूप ॥

ఏకదంతం చతుర్హస్తం పాశమంకుశధారిణమ్ ।రదం చ వరదం హస్తైర్బిభ్రాణం మూషకధ్వజమ్ ॥

Ekadantam chaturhastam paashamankushadhaarinam ।Radam cha varadam hastairbibhraanam mooshakadhvajam ॥

एकदन्तं चतुर्हस्तं पाशमङ्कुशधारिणम् ।रदं च वरदं हस्तैर्बिभ्राणं मूषकध्वजम् ॥

రక్తం లంబోదరం శూర్పకర్ణకం రక్తవాససమ్ ।రక్తగంధానులిప్తాంగం రక్తపుష్పైః సుపూజితమ్ ॥

Raktam lambodaram shoorpakarnakam raktavaasasam ।Raktagandhaanuliptaangam raktapushpaih supoojitam ॥

रक्तं लम्बोदरं शूर्पकर्णकं रक्तवाससम् ।रक्तगन्धानुलिप्ताङ्गं रक्तपुष्पैः सुपूजितम् ॥

భక్తానుకంపినం దేవం జగత్కారణమచ్యుతమ్ ।ఆవిర్భూతం చ సృష్ట్యాదౌ ప్రకృతేః పురుషాత్పరమ్ ॥

Bhaktaanukampinam devam jagatkaaranamachyutam ।Aavirbhootam cha srishtyaadau prakriteh purushaatparam ॥

भक्तानुकम्पिनं देवं जगत्कारणमच्युतम् ।आविर्भूतं च सृष्ट्यादौ प्रकृतेः पुरुषात्परम् ॥

ఏవం ధ్యాయతి యో నిత్యం స యోగీ యోగినాం వరః ॥ 9 ॥

Evam dhyaayati yo nityam sa yogee yoginaam varah ॥ 9 ॥

एवं ध्यायति यो नित्यं स योगी योगिनां वरः ॥ ९ ॥

॥ అష్ట నామ గణపతి ॥

॥ Ashta naama ganapati ॥

॥ अष्ट नाम गणपति ॥

నమో వ్రాతపతయే నమో గణపతయే నమః ప్రమథపతయేనమస్తేఽస్తు లంబోదరాయైకదంతాయ విఘ్ననాశినే శివసుతాయశ్రీవరదమూర్తయే నమో నమః ॥ 10 ॥

Namo vraatapataye namo ganapataye namah pramathapatayeNamaste'stu lambodaraayaikadantaaya vighnanaashine shivasutaayaShreevaradamoortaye namo namah ॥ 10 ॥

नमो व्रातपतये नमो गणपतये नमः प्रमथपतयेनमस्तेऽस्तु लम्बोदरायैकदन्ताय विघ्ननाशिने शिवसुतायश्रीवरदमूर्तये नमो नमः ॥ १० ॥

॥ ఫలశ్రుతి ॥

॥ Phalashruti ॥

॥ फलश्रुति ॥

ఏతదథర్వశీర్షం యోఽధీతే ।స బ్రహ్మభూయాయ కల్పతే ॥

Etadatharvasheersham yo'dheete ।Sa brahmabhooyaaya kalpate ॥

एतदथर्वशीर्षं योऽधीते ।स ब्रह्मभूयाय कल्पते ॥

స సర్వతః సుఖమేధతే ।స సర్వ విఘ్నైర్నబాధ్యతే ॥

Sa sarvatah sukhamedhate ।Sa sarva vighnairnabaadhyate ॥

स सर्वतः सुखमेधते ।स सर्व विघ्नैर्नबाध्यते ॥

స పంచమహాపాపాత్ప్రముచ్యతే ।సాయమధీయానో దివసకృతం పాపం నాశయతి ॥

Sa panchamahaapaapaatpramuchyate ।Saayamadheeyaano divasakritam paapam naashayati ॥

स पञ्चमहापापात्प्रमुच्यते ।सायमधीयानो दिवसकृतं पापं नाशयति ॥

ప్రాతరధీయానో రాత్రికృతం పాపం నాశయతి ।సాయంప్రాతః ప్రయుంజానో అపాపో భవతి ॥

Praataradheeyaano raatrikritam paapam naashayati ।Saayampraatah prayunjaano apaapo bhavati ॥

प्रातरधीयानो रात्रिकृतं पापं नाशयति ।सायम्प्रातः प्रयुञ्जानो अपापो भवति ॥

సర్వత్రాధీయానోఽపవిఘ్నో భవతి ।ధర్మార్థకామమోక్షం చ విందతి ॥

Sarvatraadheeyaano'pavighno bhavati ।Dharmaarthakaamamoksham cha vindati ॥

सर्वत्राधीयानोऽपविघ्नो भवति ।धर्मार्थकाममोक्षं च विन्दति ॥

ఇదమథర్వశీర్షమశిష్యాయ న దేయమ్ ।యో యది మోహాద్దాస్యతి స పాపీయాన్ భవతి ॥

Idamatharvasheershamashishyaaya na deyam ।Yo yadi mohaaddaasyati sa paapeeyaan bhavati ॥

इदमथर्वशीर्षमशिष्याय न देयम् ।यो यदि मोहाद्दास्यति स पापीयान् भवति ॥

సహస్రావర్తనాద్యం యం కామమధీతే తం తమనేన సాధయేత్ ॥ 11 ॥

Sahasraavartanaadyam yam kaamamadheete tam tamanena saadhayet ॥ 11 ॥

सहस्रावर्तनाद्यं यं काममधीते तं तमनेन साधयेत् ॥ ११ ॥

అనేన గణపతిమభిషించతి స వాగ్మీ భవతి ॥

Anena ganapatimabhishinchati sa vaagmee bhavati ॥

अनेन गणपतिमभिषिञ्चति स वाग्मी भवति ॥

చతుర్థ్యామనశ్నన్ జపతి స విద్యావాన్ భవతి ।స యశోవాన్ భవతి ।ఇత్యథర్వణవాక్యమ్ ॥

Chaturthyaamanashnan japati sa vidyaavaan bhavati ।Sa yashovaan bhavati ।Ityatharvanavaakyam ॥

चतुर्थ्यामनश्नन् जपति स विद्यावान् भवति ।स यशोवान् भवति ।इत्यथर्वणवाक्यम् ॥

బ్రహ్మాద్యాచరణం విద్యాత్ న బిభేతి కదాచనేతి ॥ 12 ॥

Brahmaadyaacharanam vidyaat na bibheti kadaachaneti ॥ 12 ॥

ब्रह्माद्याचरणं विद्यात् न बिभेति कदाचनेति ॥ १२ ॥

యో దూర్వాంకురైర్యజతి స వైశ్రవణోపమో భవతి ।యో లాజైర్యజతి స యశోవాన్ భవతి ॥

Yo doorvaankurairyajati sa vaishravanopamo bhavati ।Yo laajairyajati sa yashovaan bhavati ॥

यो दूर्वाङ्कुरैर्यजति स वैश्रवणोपमो भवति ।यो लाजैर्यजति स यशोवान् भवति ॥

స మేధావాన్ భవతి ।యో మోదకసహస్రేణ యజతి ॥

Sa medhaavaan bhavati ।Yo modakasahasrena yajati ॥

स मेधावान् भवति ।यो मोदकसहस्रेण यजति ॥

స వాంఛితఫలమవాప్నోతి ।యః సాజ్యసమిద్భిర్యజతి ॥

Sa vaanchhitaphalamavaapnoti ।Yah saajyasamidbhiryajati ॥

स वाञ्छितफलमवाप्नोति ।यः साज्यसमिद्भिर्यजति ॥

స సర్వం లభతే స సర్వం లభతే ॥ 13 ॥

Sa sarvam labhate sa sarvam labhate ॥ 13 ॥

स सर्वं लभते स सर्वं लभते ॥ १३ ॥

అష్టౌ బ్రాహ్మణాన్ సమ్యగ్గ్రాహయిత్వా సూర్యవర్చస్వీ భవతి ।సూర్యగ్రహే మహానద్యాం ప్రతిమాసన్నిధౌ వా జప్త్వా సిద్ధమంత్రో భవతి ॥

Ashtau braahmanaan samyaggraahayitvaa sooryavarchasvee bhavati ।Sooryagrahe mahaanadyaam pratimaasannidhau vaa japtvaa siddhamantro bhavati ॥

अष्टौ ब्राह्मणान् सम्यग्ग्राहयित्वा सूर्यवर्चस्वी भवति ।सूर्यग्रहे महानद्यां प्रतिमासन्निधौ वा जप्त्वा सिद्धमन्त्रो भवति ॥

మహావిఘ్నాత్ప్రముచ్యతే ।మహాదోషాత్ప్రముచ్యతే ॥

Mahaavighnaatpramuchyate ।Mahaadoshaatpramuchyate ॥

महाविघ्नात्प्रमुच्यते ।महादोषात्प्रमुच्यते ॥

మహాపాపాత్ ప్రముచ్యతే ।స సర్వవిద్భవతి స సర్వవిద్భవతి ॥

Mahaapaapaat pramuchyate ।Sa sarvavidbhavati sa sarvavidbhavati ॥

महापापात् प्रमुच्यते ।स सर्वविद्भवति स सर्वविद्भवति ॥

య ఏవం వేద ఇత్యుపనిషత్ ॥ 14 ॥

Ya evam veda ityupanishat ॥ 14 ॥

य एवं वेद इत्युपनिषत् ॥ १४ ॥

॥ శాంతి మంత్ర ॥

॥ Shaanti mantra ॥

॥ शान्ति मन्त्र ॥

ఓం సహనావవతు ।సహనౌభునక్తు ॥

Om sahanaavavatu ।Sahanaubhunaktu ॥

ॐ सहनाववतु ।सहनौभुनक्तु ॥

సహ వీర్యం కరవావహై ।తేజస్వినావధీతమస్తు మా విద్విషావహై ॥

Saha veeryam karavaavahai ।Tejasvinaavadheetamastu maa vidvishaavahai ॥

सह वीर्यं करवावहै ।तेजस्विनावधीतमस्तु मा विद्विषावहै ॥

ఓం భద్రం కర్ణేభిః శృణుయామ దేవాః ।భద్రం పశ్యేమాక్షభిర్యజత్రాః ॥

Om bhadram karnebhih shrinuyaama devaah ।Bhadram pashyemaakshabhiryajatraah ॥

ॐ भद्रं कर्णेभिः शृणुयाम देवाः ।भद्रं पश्येमाक्षभिर्यजत्राः ॥

స్థిరైరంగైస్తుష్టువాంసస్తనూభిః ।వ్యశేమ దేవహితం యదాయుః ॥

Sthirairangaistushtuvaamsastanoobhih ।Vyashema devahitam yadaayuh ॥

स्थिरैरङ्गैस्तुष्टुवांसस्तनूभिः ।व्यशेम देवहितं यदायुः ॥

ఓం స్వస్తి న ఇంద్రో వృద్ధశ్రవాః ।స్వస్తి నః పూషా విశ్వవేదాః ॥

Om svasti na indro vriddhashravaah ।Svasti nah pooshaa vishvavedaah ॥

ॐ स्वस्ति न इन्द्रो वृद्धश्रवाः ।स्वस्ति नः पूषा विश्ववेदाः ॥

స్వస్తినస్తార్క్ష్యో అరిష్టనేమిః ।స్వస్తి నో బృహస్పతిర్దధాతు ॥

Svastinastaarkshyo arishtanemih ।Svasti no brihaspatirdadhaatu ॥

स्वस्तिनस्तार्क्ष्यो अरिष्टनेमिः ।स्वस्ति नो बृहस्पतिर्दधातु ॥

ఓం శాంతిః శాంతిః శాంతిః ॥

Om shaantih shaantih shaantih ॥

ॐ शान्तिः शान्तिः शान्तिः ॥

॥ ఇతి శ్రీగణపత్యథర్వశీర్షం సమాప్తమ్ ॥

॥ Iti shreeganapatyatharvasheersham samaaptam ॥

॥ इति श्रीगणपत्यथर्वशीर्षं समाप्तम् ॥